ޑރ. ޙަސަނާއި ލިބެރަލް ޕާޓީއިން އެމް.ޑީ.ޕީ އިއްތިހާދާއިއެކު އިއްތިހާދުވެއްޖެ
އަމިއްލަ ގޮތުން މިއަހަރުގެ ރިޔާސީ އިންތިޚާބުގައި ބައިވެރިވެވަޑައިގެންފައިވާ ޑރ. ޙަސަން ސަޢީދު އަދި ލިބެރަލް ޕާޓީއިން އެމް.ޑީ.ޕީ އިއްތިހާދާއި ގުޅިއްޖެއެވެ.އ
ރިޔާސީ އިންތިޚާބުގެ ވަގުތީ ނަތީޖާ އިޢުލާނުކުރިތާ ކުޑަ ހިނދުކޮޅެއްގެ ތެރޭގައި ޑރ. ޙަސަން ވަނީ އެމް.ޑީ.ޕީ އިއްތިހާދަށް ތާޢީދުކުރާނެކަމަށް އިޢުލާނުކޮށްފައެވެ. އަދި އެމް.ޑީ.ޕީ އިއްތިހާދަށް ތާއީދުކުރަން ނިންމީ އެއްވެސް ޝަރުޠެއް ކުރުމަކާއި ނުލާކަމަށްވެސް ވަނީ ވިދާޅުވެފައެވެ. އަދި އެމް.ޑީ.ޕީއިއްހާދަށް ކެމްޕެއިންވެސް ކޮށްދެއްވާނެކަމަށާއި ރައްޔިތުންގެ ޙައްޤުގައި ކޮންމެކަމެއްވެސް ކުރަން ޑރ.ހަސަން ހުރީ ތައްޔާރަށް ކަމަށް ވަނީ ވިދާޅުވެފައެވެ.އ
ލިބެރަލް ޕާޓީއިންވެސް ވަނީ ދެވަނަ ބުރުގައި އެމް.ޑީ.ޕީ އިއްތިހާދަށް ތާއީދު ކުރާނެ ކަމަށް އިޢުލާނުކޮށްފައެވެ. ލިބެރަލް ޕާޓީއިން މިކަން އިޢުލާނުކޮށްފައިވަނީ އެޕާޓީގެ އޮފީހުގައި ބޭއްވި ނިއުސް ކޮންފަރެންސެއްގައެވެ. އަދި މި ނިންމުމަކީ މިއަދު ނިންމެވި ނިންމެވުމެއް ނޫންކަމަށާއި މާ ކުރިންވެސް ނިންމަވާފައިވާ ނިންމެވުމަށްކަމަށް ވަނީ ވިދާޅުވެފައެވެ. އެންމެ ފުރަތަމަ ޕާޓީތަކުން އިއްތިހާދުވުމަށް ވާހަކަދައްކަމުން އައި އިރުވެސް މައުމޫން ފިޔަވައި ދެވަނަބުރަށްދާ ކެންޑީޑޭޓަކަށް ތާއީދުކުރަން ނިންމާފައި ވާނެކަމަށް ލިބެރަލް ޕާޓީގެ ރިޔާސީ ކެންޑީޑޭޓް އިބްރާހިމް އިސްމާއިލް ވިދާޅުވިއެވެ.އ
No comments:
Post a Comment