fact kan'ditheem

ޑރ. ޙަސަން ސިޔާސީ ޕާޓީއެއް އުފެއްދެވުމަށް ހުށަހަޅުއްވައިފި

ދިވެހި ޤައުމީ ޕާޓީގެ ނަމުގައި ސިޔާސީ ޕާޓީއެއް އުފެއްދެވުމަށް ޑރ. ޙަސަން ސަޢީދު ހުށަހަޅުއްވައިފިއެވެ. 50 މީހުންގެ ސޮޔާއެކު ޕާޓިއެއް އުފެއްދެވުމަށް ޑރ. ޙަސަން ހުށަހަޅުއްވާފައިވާކަމަށް އިލެކްޝަން ކޮމިޝަނުންވެސް ވަނީ ވިދާޅުވެފައެވެ. އަދި ޑރ. ޙަސަން ހުށަހަޅުއްވާފައިވާ 50 މީހުންގެ ނަންތައް ސައްޚަތޯ ބަލަމުންދާކަމަށާއި ތިން ދުވަހުގެ ތެރޭގައި އެކަންތައްތައް ނިންމަވާނެކަމަށްވެސް އިލެކްޝަން ކޮމިޝަނުން ހާމަކުރެއެވެ.

ޑރ. ޙަސަން ގެ ކެމްޕެއިން ރަސްމީ ވެބްސައިޓްގައި ބުނެފައިވަނީ ޙަސަންގެ މިނިންމެވުމަކީ ރިޔާސީ އިންތިޚާބުގައި އޭނާއަށް ތާއީދުކުރެއްވި ގިނ ބައެއްގެ އެދުމުގެ މަތިން ކުރިއަށްގެންދަވާ މަސައްކަތެއް ކަމަށެވެ. އަދި ދިވެހި ޤައުމީ ޕާޓީ ވެގެންދާނީ ރާއްޖޭގައި ޒަމާނުއްސުރެ އޮތް އިސްލާމްދީން ހިމާޔަތްކުރެވި މައުމޫނުގެ ސަރުކާރުން ފަނޑުކުރަމުން ގެންދާ ދިވެހިންގެ އިސްލާމީ އަޤީދާ އިތުރަށް ވަރުގަދަކުރުވާ، އިޤްތިޞާދީގޮތުންނާއި އިޖްތިމާޢީގޮތުން ޤައުމަށް ގިނަ ކުރިއެރުންތަކެއް ގެނެސްދިނުމަށް މަސައްކަތްކުރާނެ ޕާޓީއެއްކަމަށްވެސް އެ ވެބްސައިޓްގައި ބުނެފައިވެއެވެ. އަދި ކުރިއަށް އޮތް ތިން ދުވަހުގެ ތެރޭގައި 3000 މީހުންގެ ސޮއި ހުށަހެޅުއްވުމުގެ ހުއްދަ އިލެކްޝަން ކޮމިޝަނުން ޑރ. ޙަސަން ސައީދަށް ދެއްވާނެކަމަށްވެސް އެ ވެބްސައިޓްގައިވެއެވެ.

ޑރ. ޙަސަންގެ ރަނިންމޭޓަކަށް ހުންނެވި ޑރ. ޝަހީދު ވިދާޅުވެފައިވަނީ ސިޔާސީ ޕާޓީއަކާއި ދިމާލަށް މިސްރާބު ޖެއްސިވި މައިގަނޑު ސަބަބަކީ އެބޭފުޅުންނަށް ތާއީދުކުރާ މީހުންނާ ގުޅުން ބޭއްވުމުގެ ނިޒާމެއް ޤާއިމްކުރުމެވެ.އ